Servizo de emprego do Concello de Forcarei
Servizo de Emprego do Concello de Forcarei
DATOS DE CONTACTO PARA ATENCIÓN E CITA PREVIA
- ATENCIÓN PÚBLICO: De Luns a Venres de 9:00 a 14:00 h
O Servizo de Emprego do Concello de Forcarei ten como obxectivo ofrecer un servizo público e gratuíto de busca activa de emprego coa finalidade de xerar crecemento económico e desenvolvemento social. Dos servizos deste departamento benefícianse desempregad@s, empresari@s, comerciantes, emprendedor@s, persoas en activo …
O seu ámbito de actuación é municipal, dependendo orgánica e funcionalmente do propio Concello, carece de personalidade xurídica propia e está configurado como un servizo municipal.
Funcións
- Orientación e intermediación laboral facilitando ás empresas a contratación de traballador@s cualificad@s apt@s para dar resposta ás súas necesidades de persoal.
- Publicidade dos distintos cursos de formación, obradoiros, certificados de profesionalidade…
- Difusión das ofertas de traballo publicadas nos distintos portais de emprego.
- Publicidade das Ofertas de Emprego
- Públicas tanto do propio Concello como doutras Administracións e organismos públicos.
- Seguimento diario dos boletíns oficiais para a detección de axudas e subvencións destinadas ao fomento de proxectos de formación, autoemprego e creación de emprego.
- Xestión da bolsa de emprego propia do Concello de Forcarei
- Realización de estudos socioeconómicos do concello para coñecer as posibilidades reais en materia de emprego, formación, recursos…
- Asesoramento das iniciativas empresariais
- Asesoramento e apoio na creación do currículo
